பார்த்திபன் கனவு - ஒலிப்புத்தகம்

நன்றி நண்பர் பாம்பே கண்ணன், 

’பார்த்திபன் கனவு’ ஒலிப்புத்தகத்தின் ஒரு ஒலியாக... நான் ஒலித்திருக்கிறேன்.... ஒரு மிகப்பெரிய கட்டமைப்பில்… திட்டச்செயல்பாட்டில் நானும் ஒரு சிறு துரும்பாய் செயல்பட்டேன்… என்பது மிக்க மகிழ்ச்சி..

மாரப்ப பூபதியாய் வாழ்ந்த அந்த சில மணித்துளிகள் எனக்கு இனிமை… இன்று அந்த ஒலி கேட்ட போது… ம்… நல்லாயிருக்கு… இன்னும் நல்லா செஞ்சிருக்கலாமே… என ஒரு ஆதங்கம்… எனக்குள்ளே தோன்றியது.... அது எப்போதுமே ஒரு கலைஞனாய் எனக்குள் தோன்றும்…

அப்புத்தகத்தின் ஒரு பகுதி இதோ... கேளுங்களேன்... 

http://clyp.it/tdfeui2e

சோற்றுக் கணக்கு – (சிறுகதை – ஒலி வடிவத்தில்)

மாற்றம்… மாற்றம்…. ஆக்கபூர்வமான மாற்றம்…

தனி மனித மாற்றம், சமூக மாற்றம்……….

இந்த இலட்சியங்களை இலக்கியம் சாதிக்குமா எனும் என் முயற்சியில் இதோ புதிய படைப்புடன் வருகிறேன்.

பசி…. !!! வருமைப்பசி….. 

நம்மில் அறிந்தவர்கள் குறைவே….அறிந்தவர்கள் பண்பட்டவர்கள்…. அறியாதவர்கள் அபாக்கியசாலி….ஆம்…. யேசு இதை சொல்கிறார்… ‘பசி தாகம் உள்ளவன் பேறு பெற்றோன்…’ என

ஔவையார் கூட … இடும்பை கூர் என் வயிறே… என சபிப்பார்….

பசி, நமக்கு உலகின் ஒரு பரிமாணம் காட்டும். நம்மை உருவாக்கும், உரமாக்கும்… அந்த உணர்வை ஆழமாய் சென்று உணர இதோ ஒரு வாய்ப்பு….

பசி எப்படி ஒரு தனிமனிதனையும் அவன் சார்ந்த குடும்பத்தையும் அதன் போக்கையும் தன்வயப்படுத்துகிறது என ஆழமாக சொல்லப்பட்ட கதை…

பாசம், அன்பு, நேசம் கூட பசியால் எப்படி மாறிப்போகிறது என சொல்லும் கதை….

வருமையை வென்றெடுப்பது எப்படி… என தீர்வும் ஆழமாய் சொல்லப்பட்டிருக்கிறது...இந்த அற்புத கதை தந்த ஜெமோவுக்கு நன்றி கூறி, இதை கேட்பவருக்கு ஒரு அற்புத அனுபவம் கிடைக்க ஆசைப்படுகிறேன்…

அன்புடன்

லாரன்ஸ் பிரபாகர்

சோற்றுக் கணக்கு - பகுதி  1 

சோற்றுக் கணக்கு - பகுதி  2  

டாடி ..... ஐ லவ் யூ.............!!!

ரகசியம் - வானொலி நாடகம்

வானொலி நாடகம் என்பது கலையின் தனி வடிவம். ஊடகத்தின் ஒரு உட்பிரிவு. அதற்கு கதை வசனம் எழுதுவது ஒரு விதமான சவால். ஏனெனில் எல்லா விஷயங்களையும் வசனமாகவே சொல்ல வேண்டும்.

ஒரு கிராமம் என்பதை …… திரைப்படமாக, காட்சியாக சொல்லும் போது, 20 வினாடிகளில் ஒரு குளம், ஒரு வயல், ஒரு வீடு என படம் பிடித்து…. மிகவும் எளிமையாக சொல்லி விடலாம். அதே கிராமத்தை…. கதையாக எழுதும் போது, இரு பத்திகளில் வரிந்து வரிந்து எழுதி விடலாம்… ஆனால் ஒரு கிராமம் என்பதை வானொலியில் வெறும் ஒலியாக சொல்லும் போது…………. ஹூம்…. கொஞ்சம் கடினம் தான்…. 

வானொலி நாடகங்கள் ஒரு வித்தியாசமான தளம். அதன் நிறை குறை அறிந்து உணர்ந்து ரசித்தால் அது தரும் இன்பம் அலாதியானது. சென்னை வானொலி நிலையம் - தயாரித்த,  எனது கதை வசனத்தில் உருவான  'ரகசியம் - வானொலி' நாடகம் இதோ உங்களுக்காக 

’யானை டாக்டர்’ .... சிறுகதை - ஒலி வடிவில்

ஒரு சிறுகதை மாற்றம் கொண்டு வருமா….

வாசித்தவரின் வாழ்வு மாறுமா… சிந்தனை மாறுமா… கண்ணோட்டம் மாறுமா…. ஆக்கபூர்வமான ஒரு பார்வை கிடைக்குமா…. அவரது துக்கம் குறையுமா…. வாழ்க்கை மேம்படுமா…. புரிதல் இன்னும் ஆழமாகுமா….. சிந்தனை தாக்கம் கிடைக்குமா.. சீரிய செயல் திறன் கிடைக்குமா, மனவெழுச்சி கிடைக்குமா....


இதெல்லாம் சாத்தியமா….

ஆம், சாத்தியமே.

இலக்கியத்தின் பணி அது தானே….

நம் தாய் தமிழின் அணியும் அதுதானே…..

ஜெயமோகனின் யானை டாக்டர் சிறுகதை வாசித்த போது எனக்குள் அது எழுப்பிய ஆக்கபூர்வமான தாக்கத்தை எப்படி பங்கு வைப்பது….. ஒரு சிறுகதைக்கு…. ஏன் ஒலி வடிவம் தரக் கூடாது, என உருவாக்கியதே இவ் ஒலிச் சந்தி. வாசிப்பனுவத்துக்கு மேலாக, ஒலி வடிவில் அதே கதை கேட்கும் போது இன்னும் ஆழமாய் ஒரு உணர்வை உண்டாக்க முடியும் என நம்புவதால் இதோ இம்முயற்சி.

வீட்டின் மடிக்கணினியில், தன்னந்தனியனாய் இப்படைப்பை செய்தேன். எனவே குறைகள் நிறைவாய் இருக்கும். பொறுத்தருள்க.

கதை மாந்தர்களின் சம்பாஷணை வரும் போது, வெறுமனே வாசிக்காமல்… அவர்களே கதா பாத்திமாய் பேசுவது போல செய்தால் எப்படி என நினைத்தேன். ஆனால் ஒவ்வொரு கதாபாத்திரமாக பேச என்னிடம் அத்தனை நண்பர்கள், அல்லது குரல்கள் இல்லை. எனவே நானே மிம்மிக்கிரி செய்து எல்லா குரல்களையும் உருவாக்கினேன்.

நானே பல குரல்களாய் இயங்கியது ஒரு காலத்தின் கட்டாயமே அன்றி, வேறொன்றுமில்லை. கருவியாய் நானும் இயங்கியிருக்கிறேன்...

இக்கதையின் அடி நாதமும்…. டாக்டர் கே… பணியாற்றிய மனத்தளமும்…. தங்களை வந்தடைந்தால் மகிழ்வேன்…

யானை டாக்டர் (சிறுகதை - ஒலி வடிவத்தில்) பகுதி - 1

யானை டாக்டர் (சிறுகதை - ஒலி வடிவத்தில்) நிறைவு பகுதி

சாம்ராட் அசோகர் (வானொலி நாடகம்)

சமீபத்தில் சென்னை வானொலியில் ஒலிபரப்பான சாம்ராட் அசோகர் சரித்திர நாடகத்தின் ஒலிச்சந்தி இதோ... கீழ் காணும் சுட்டியில் இணைக்கப்பட்டுள்ளது.

வி.எஸ். ராகவன், மற்றும் அனுபவம் நிறைந்த குழுவுடன் இணைந்து பணியாற்றியதில் மிக்க மகிழ்ச்சி. 

சம்சார சங்கீதமே .....

இதோ ஒரு புத்தம் புதிய.....!!!! புதுமை முயற்சி.....!!!

இது வரை என் எண்ணங்களை எழுத்தில் வடித்து வந்த நான்,  இன்னும் ஆழமாய் தங்களை வந்தடைய ஒலியின்.... இசையின்....!!!! துணை கொண்டு
காற்றலைகளில் கலக்கிறேன்.

இதோ இனி ஒலித்தமிழ் ராஜாங்கம்..... !!!

கீழ் இணைத்துள்ள ஒலிச் சந்தியை கேட்டு தங்கள் ஆலோசனையை பகிர்ந்து கொள்ளுங்களேன் .

நன்றி